Jacob第一次遊迪士尼,Plan咗兩日一夜之旅,出發前一晚,好緊張,驚執漏野,話晒第一次出門,係外邊過夜,最後執咗一大喼,一大袋,兩個背包,有大量BB衫,紗巾,奶樽,奶粉,米糊,粥,小食,游水玩具,熱水,凍水,生果.....好彩酒店有BB床,奶樽消毒煲,否則,成個屋企都搬去,好誇張.第二朝出奇好天,跟先前天氣預報好大差別,一早出發入楽園玩先,然後黃昏時四個Family一齊Check in入住Disneyland酒店,先係酒店泳池游水消一消署氣,然後又出發去樂園睇煙花.住客門票可以玩兩日,玩過木馬,小小小世界,巴斯光年,Honda賽車,感受到巡遊的熱鬧,最後仲睇埋史迪仔Show...好攰好攰,但好滿足.因為Jacob好合作,冇扭計,玩遊戲時又有反應,加上證明我地可以handle到帶Jacob出外旅行,下次plan overseas trip冇油怕!

 

Jacob自一岁起返九龍塘Nottingham Playgroup,呢間其實幾好嫁,Miss Susan好惜Jacob仔,不過已經上咗半年有D悶,咩轉下環境試下何文田維多利亚Playgroup,俾佢玩多半年,到時足二岁就返Pre-Nursery. 比較兩間Playgroup,課程差不多,逢星期六上兩小時,頭半小時free playing,跟咗唱歌跳舞,認知事物/物件;玩特定玩具訓誎小肌肉,Tea time,Story time&勞作.唯一分別係Nottingham全英文,維記一小時中文,一小時英文,總共二個老師.如果想小朋友學野多D&學小小Displcine,Nottingham比較適合;維記比較注重Self-explore,但好注重衛生.各有特色,是乎你想要甚麼.我就志在樣

 

Time flies, Jacob今日一歲半啦!前兩日,爸爸已經帶佢打咗歲半針(五合一最後一支),暫告一段落,下次打針要到小一啦!一歲半的Jacob仔識講好多野啦,除咗爸爸,媽媽,姐姐,公公,婆婆,拜拜,BirdBird,DuckDuck.....新學的有Wet,Dirty外,不時有成句句子弾出來,但唔知佢講甚麼?

新姐姐來咗兩星期,同Jacob仔尚算夾得來,餵食,玩...只係Un瞓尚要訓練.這兩星期,我&Siujim分別放假一星期訓練佢,下星期就要靠佢自已啦,不過公公婆婆會過來住一個月帮手睇住,希望一切順利! 今日上完Playgroup後,會帶Jacob仔同Siujim屋企人一齊去將軍澳第一次拜爺爺!

 

因為新姐姐上場,所以請咗一個禮拜假凑Jacob兼教佢日常工作,經過一星期的體驗,先發覺原來全職媽咪唔易做.每天跟Jacob一早起身,開奶,换片,陪佢玩,餵粥,沖涼,食生果直至晚上又飲奶,擦牙瞓覺.只有等Jacob午睡時,才有私人時間上綱&食Lunch.新姐姐雖然可以帮手但未熟,好慢,好彩Siuim之前敎咗佢煲粥,通粉,因為我唔識煑野,所有野由頭來過,又要教又要做,仲辛苦,唯一等Siuim放工返來可以抖下,等佢陪Jacob玩. 以前返工希望快D星期六,宜家好似漫無目的,琴日諗住帶Jacob上Playgroup補堂,叫做出去抖下氣,點知黑仔到暈,出到隧道爆汰,捱到九龍塘對衡道停低,Siuim係大陸,唯有Call人換汰,點知又揾唔到汰匙,唯有車去車房低整,自已同Jacob坐的士上堂.一句講晒,Full time凑仔好忙,有喜有怒,但肯定辛苦過返工...........下星期輪到Siuim放假,希望新姐姐快D上手,我地可以放心返工!

四,五月給人的感覺真多災多難,春天永遠係流感高峰期,小朋友容易病;03年有沙士,08年有四川大地震,今年又有猪流感,好彩仲有一件開心事就係母親節,祝所有偉大的媽媽母親節快樂!

Jacob Playgroup 的勞作!

今日係Cerelyn姐姐的Last Day,她日頭如常工作,一樣妥妥當當,令到我地真係唔捨得,連公公婆婆都唔捨得,大家心情都好複雜. 放工去中環接咗新工人後,趕回屋企計埋尾數俾Cerelyn,更加一齊影相,其實昨晚Farewell Dinner已經影咗合照,今日就加埋公公婆婆,燒咗隻CD俾佢,佢都有留低加拿大地址,佢更加說遲D如返香港,一定會探望Jacob仔.睇來佢都真係好唔捨得Jacob,上的士前忍唔住流了眼淚,兩次擁抱&惜惜Jacob,到Cerelyn上車後,Jacob都喊住追車.  初初知道Cerelyn申請去加拿大至正式Resign,都有點匘佢,到佢真係走咗,心情好低落,Siujim如是,公公婆婆更加擔心Jacob,然後係會所同新工人草草食飯回家.真係需要一段時間調節,適應!

Jacob己經16個月大啦,自一岁起,不斷學講野,由最初識講的"爸爸""媽媽",然後"巴巴""CarCar""吠吠""猫猫",一路到"BirdBird""DuckDuck""姐姐""公公""婆婆""嫲嫲". 除咗識講外,仲明白好多野,會聽指示做,"Hands up""spread your legs""whers' your toes/nose/eyes/mouth/head/knees"簡直輕而易舉,因為細細己識.另外,近排例如"除鞋先啦",佢就會坐低搞下鞋,當然未識除. 又例如"拿個波俾我","拿條紗巾俾姐姐","去房找爸爸","帮媽媽抺咀""聽電話"等等,佢都會照做. 又會坐低乖乖聽我講故事書,玩玩具.其實咁様對幼兒班面試好有帮助. So far, Jacob己經interview咗兩間幼稚園,表現唔錯,可惜全部唔收細仔(年尾出世,學校大都八月開學,政府規定要足兩岁才可上學).唯有等做插班生,如果仲有位! In worse case,繼續宜家的Playgroup,but返一三五.

另外,上個星期六,終於投到我地自訂的車牌(Jacob 1 = Jacob 1st birthday),原先諗住送俾Jacob的一岁生日禮物.估唔到由申請到拍賣,需時超過半年,所以遲咗四個月!去埋運輪署搞埋文件,今日可以正式掛上車用啦!

 

最新水晶凸字車牌,好靚!

 星期一(2月23日)晚上,Cerelyn告訴我地完成唔到兩年的合約,要去加拿大結婚,男朋友係個邊催佢Wor,加拿大Visa已批咗,想三月中走.我地兩個都唔識反應,雖然之前知知地,但因為Jacob實在好跟佢,佢又的而且确做得好好,唯有博佢申請唔到,話曬姐姐都36岁啦,兼且加拿大烴濟唔好,估唔到都得!嗰晚我地兩個都瞓唔到,好擔心好煩(前所未有咁煩)...揾現成工人Risk好高,而且冇Mug添,有D又嫌凑BB辛苦.其實都係Prefer請Overseas,未來到香港,乘D純D,但要等兩至三個月,有成兩個月真空期,點算? 唯有希望Cerelyn應承做多兩個月,佢話要等下 星期一(3月二日)玀咗Visa後睇下許唔許可才決定,仲算仲有一線希望.其實好多朋友知道後,不斷打電話來,介紹咗不下二十間Agent,但多數都冇現成,只有Siujim同事安排咗一個完約的印傭今晚見面,尚算OK,但好似並不是太醒目,而且係香港已有四年了.一定唔聽話.但都算係一個Back up.今日LunchTime,上咗DD介紹的林太係中環的0ffice,又真係好多貨源,但只做Oversea菲菲,揀咗一個High School學歷的,因為大學生好容易申請加拿大.如果Cerelyn應承做多兩個月,就可以go ahead. In worse case, Twinkie說服咗二姑妈捱義氣帮我頂兩個月(朝八晚八),希望最後唔使佢姑妈咁辛苦. Anyway,在此多謝曬所有朋友仔!

今次得到敎訓,希望Remind各位媽咪請菲菲的秘決:

1.一定只可請High School學歷的,加拿大領事館講明申請者要大學畢業or至少二年大學.

2.如果各位媽咪有keep起 菲菲的Passport,而佢突然問你借回,又要星期一至四出去辨事,就要小心,因為加拿大領事館對外開放時間係星期一至四(8am-10am).

3.唔好請讀Nursing&Mid-wife,好容易批.

4.唔好博佢唔走,因為加拿大Package實在太吸引,萬二蚊(至少都有8K)人工,朝九晚六,冇需stay overnight,最紧要兩年後可以入籍,申請埋屋企人過去.所有菲菲來香港都係當跳板,申請快!

 

呢個星期一至五,Down to the world,原來生仔唔算煩,要請一個好的工人而又唔走的才是最高學問!

 

今年的情人節咁岩係星期六,決定三人行家庭樂,帶埋Jacob出去食燭光晚餐.好彩安排到窗口位,Jacob忙於睇出邊的巴士/車車,成晚無搞住我地,難得食得自在,只係臨走前無窮的精力又來啦,,走去其它枱攪攪震........呢個情人節少咗一份浪漫但多咗一份溫馨!

20090214_Habitu餐廳送的即影即有相!

20090126_年初一

一早帶Jacob落去樓下行大運,再去探嫲嫲拜年,仲去埋又一城影相食下午茶,晚上一班Siujim死黨朋友上來食盆菜兼團拜,一班小朋友玩到超興奮,一向早睡的Jacob都唔肯瞓,破天荒成十二點才瞓,晚上兩點發萝喊醒,搞到我地筋疲力盡.決定之後都係準時俾佢瞓!

20090127_年初二

毎年的開年飯都係Siujim二家姐屋企食,今年有Jacob,決定係我地屋企打便爐,嫲嫲約四點零就到咗同Jacob仔玩,然後姑媽們,姑丈們,伯父,表姐們,表哥們接着到,開開心心開年啦...

上個禮拜同嫲嫲食過團年飯後,今日年三十,輪到Jacob仔同公公婆婆食團年飯,玩得太開心,飯後一上車就呼呼入睡.返到屋企安置好Jacob仔瞓覺後,就同Siujim出旺角花市買年花,以往每年都買的大桃花就不能買啦,唯有買鲜花摆花樽應節!

今年的第一個團年飯,同嫲嫲一家食,有姑媽們,姑才們,表姐,表哥...十四個月的Jacob不但走得快,仲跑得快,冇時停,比起舊年一舊雲,有趣得多!嫲嫲呢幾次見到Jacob行來行去,好開心!姑媽們更加惜到不得了,因為對上最小的表姐都已經十一岁了! 小朋友真係會令節日加添不少氣分!

今日Siujim放假,送Jacob去中環補回最後一堂Playgroup,然後過來PP接我放工,見有時間,就帶Jacob上我公司同D同事玩一陣,Jacob又好聽話,不断fly kiss,氹到同事好開心.5:30pm走人,我約咗旧同事食飯,Siujim車到海港城放低我,然後車Jacob回家.去到夜上海,仾地差不多到齊,呢班菲力浦好朋友好難得,我未大肚前,一個月聚一次,生完BB後,二三月才一次,今次原本係安排X'mas gathering,因為Twinkie有事而Postpone到今日,送俾Terry仔仔的禮物,終於可以送出去啦,鬆一口氣!同呢班好朋友食飯,好輕鬆,可以好任性,因為仾地好就我同Twinkie,我地做咩都無反對,真係好開心!己經約定下次聚會係初五!

20080102@3:30pm: Jacob@Kindermusix Playgroup,見到公仔就捉住Kiss.

20080102@5pm_Jacob in my office

20080102@7pm:Dinner@Ye Shanghai

 

2009的第一天,一睜開眼已是十點多了,全因昨晚同一班朋友在家打便爐玩至近零晨兩點,太攰啦!然後等Jacob食過粥後,出發去九龍灣仿膳食Lunch同Fiona預祝生日!BonBon負責買蛋糕,Adam病咗來唔到,Wendy單拖到會!之後同Jacob去九龍仔公園球場玩,Jacob又好新奇好興奮Wor,不斷叫"波,波",新的一年新的嘗試!Happy New Year!

每年的平安夜都Default咗係同Siujim呢班朋友過,今年多咗BB,好熱鬦,每位小朋友都要準備一堆禮物送俾其它小朋友仔,初初都為咗環保和實用性爭論,最後大家都盡量少用花紙或再用,而拆咗禮物後,發現各位DaddyMommy買的禮物好實用,DD仲帶小朋友唱哥玩遊戲,加上食物非常豐富,大家都好Happy!

20081225_聖誕日PolyU同學聚會兼慶祝Blanche正日生日!

聖誕日係Eva屋企叫食物到會,一來可以探望未满月的BB女Eli兼慶祝Blanche正日生日!今年我地三個好朋友都有小孩子啦,好得意!

20081226_Boxing Day Party with SFCC中學同學!

每年的Boxing day都係同呢班中學同學開大食會,當然仲有她們的另一半,舊年開始更加有新Member_Jacob仔,今年就多咗剛滿二個月的Baby Charisee,下一年又輪到哪一個呢......小Wendy?小BonBon? 今年食物到會訂咗Spaghetti House,好得!

20081227_Jacob's Playschool継續聖誕慶祝&帶Jacob仔打水痘針!

Jacob的Playschool継續有聖誕大食會,Jacob仔好開心,因為又有得食,其它Mommy仲讚佢叨仔,自己食生果,飲水唔扭計! 放學後帶佢去旺角Dr.Ko打水痘針,又喊到拆天,但落街見到大巴士又勁興奮.睇來都要揾日帶佢坐下巴士,地鐵先得!

20081228_同公公婆婆行街街買禮物!

終於有得抖下啦...只係無需參加Party喳,中午去咗九龍城探嫲嫲,之後接公公婆婆去黃埔食Lunch,然後同公公婆婆行街街買聖誕禮物,Jacob對巴士&Thmoas車仔最有興趣,公公婆婆笑晒口即送,就咁又多咗二份聖誕禮物!

 

四日的假期在Busy&Party中渡過!攰但開心!

Jacob第一次參加Playschool的X'mas Party,每位小朋友都要準備一份小禮物交換,每位Mommy更要準備小食(鳮翼,意粉,Jelly,棉花糖,餅幹,果汁...),Jacob最鐘意食意粉&Jelly,大食會後,學校更安排了聖誕老人送禮物俾小朋友,好開心的學校聖誕Party!

Eva&Eric的BB女Eli終於星期六(12/6)係仁安醫院出世了,重七磅4安士,我同Blanche去醫院探她們,仁安果然係生仔醫院,環境唔錯,Eva住的二人房好靜,好舒服!小小Eli仲未睇得出似爸爸定媽媽,但Eric的NikonD200就大派用場,己經有好多小B女的不同玉照了!Eva好精神,Eric好興奮,BB真係會為家庭帶來好多快樂!之後的日子最緊要兩個齊心,一齊承擔好重要!!!

 

Jacob完了Kindermusix的課程後,我地鬆了一口氣,中環實在太遠了,為了一小時的課程,來回用了我地差不多四小時.宜家返九龍塘Nottingham,十分鐘車程,二小時課程,爽!Jacob第一次返呢個Campus,好適應,好enjoy,因為有戶外玩玩時間,又有Snack time,仲有勞作帶回家,連鬼婆老師都讚佢係Smart Boy! 一岁兩星期的Jacob仔己經行得好遠好快了,通屋走,又唔鐘意俾人扶,要跟着佢周圍走,仲辛苦過之前坐係度玩!就算今日係Playgroup都係不停走,雖然佢係全班最細,但行路都唔輸蝕俾D哥哥姐姐!

20081206_Jacob第一次穿校服,走走走....最後仲有勞作拿走添!

 

Jacob出世近8磅-->一個月戒夜奶-->四個月轉身-->五個月返身-->六個月識坐-->七個月識爬&出了兩隻牙-->八個月識扶住企,扶住行幾步&出了四隻牙-->九個月識放手企-->十個月企得好穩&出了六隻牙-->十一個月識行幾步&出了八隻牙-->十二月個行得好快好遠啦!

20081206_Jacob's 0-12months

 

一岁生日會後,Jacob仔都算大個仔啦,星期六(11/29)帶咗佢去火炭樂基的Pre-Nursey入學interview,尚算乘冇喊,但平時識做的動作都唔做,除咗俾野爸爸&最後Kiss玩具.回家沖過涼,晚上去咗Howard叔叔生日飯,發覺0-1岁的Car Seat己經容納唔到一岁的Jacob仔，扣唔到SeatBelt，唯有遲D轉俾Fiona的小B女Charisse.星期日出街前即刻換上UncleDanny送的大個仔Car Seat（一岁至五岁），第一日坐有點好奇，但都算適應，Jacob仔坐車終於可以向前望啦，唔駛坐倒後車。直駛九龍灣展貿聽雅培舉辬的"糼稚園全攻略"。

20081130_Jacob的大個仔Car Seat.

11月16日,Jacob仔的大日子,一岁喇!第一年的生日,絕對有紀念性,今日正日又係禮拜日,所以就揀今日同Jacob仔開生日會!選擇會所BBQ小公園開BirthdayParty,可以俾其它小朋友多D地方玩,有草地走動,又可以自己做Decoration,訂咗5磅Thomas蛋糕,請咗小丑同小朋友玩遊戲,氣分零舍唔同!Jacob仔都唔怕小丒,加上推車子最開心,後段眼瞓就不在狀态!其實我都好攰,加上病緊,今日食佐兩粒止痛丸才頂得住!希望第日Jacob仔睇返相片,會為自己擁有過一個特別的生日會而驕傲!

近排Jacob好鐘意學行路,除咗喜歡用PushWalker不斷推來推去,仲嘗試自己放手行,己經可以行到兩至三步啦!雖然震下震下,但都算係踏出佢人生的第一步! 今日帶咗佢去數碼港HighTea,佢都有試行,可惜爸爸失策,冇帶Camera&DV, Record唔到好有趣的一刻!

踏入流感高峰期,我就中了招,己經病了兩日,好攰冇胃口,唯有Working at Home.有時都會同Jacob玩下,為免傳染,只有帶口罩.Jacob前兩日都有輕微燒,37.2-37.4度,因為又出牙仔,下面第七,八隻,己經見到小小白色牙仔.呢兩個禮拜,Jacob開始喜歡用推行車行路,之前叫佢都唔用,宜家每日都自動走去玩,推來推去,來回十幾次,見佢咁鐘意,今日下午帶咗佢落樓下公園仔玩,推着車行來行去,超Happy!但呢兩日,Jacob因為食咗"雀巢蓮子米糊",皮肤有D敏感,patpat好紅好痕,手臂都有D,即刻掉咗剩下嗰D,睇來Jacob應該對蓮子敏感.得個知字都好,以後小心D!

20081030_Jacob係樓下公園仔玩推行車,好開心!

 

千呼萬喚,Fiona&Ken的小B女終於係10月17日晚出世了. 比預產期只早了一天, 順產,由入產房至BB出來,用了三個多鐘,算好快.但Fiona就告訴我這是一個恐佈經歷,太痛啦!開到七度後,停咗好耐無進展,佢同亞Ken講,我放棄啦,不如開刀啦!點知霍醫生入來話見到個BB頭啦,唯有努力,最後一切順利!Fiona話如果下次再生,寧願開刀好過! 原本諗住昨天去探佢,但BB女要瞓暖房,唯有改今日,約咗Brenda,Wendy&Adam一齊去,Bonnie傷風去唔到,寒喧一輪後,因為太多人排隊睇B,我又要趕着接公公婆婆,又睇唔到,Wendy&Adam就留係度等睇B,我就唯有等今個禮拜日上佢地屋企再睇B女真身,Jacob都可以睇下可能係將來的女朋友仔!

20081019_Fiona囡囡出世第二天.

 

 

話咁快,Jacob仔己經十一個月了! 除咗無咁怕醜外,仲識得自己企起身,睇來就快識行啦!

除此之後,仲識得以下用語:

1. Raise your hand

2. Dance

3. Stand up

4. Sit down

5.Fly kiss

6.Singing

7.clap your hands

一聽到,就會做動作!

有時仲會叫"亞爸, 媽媽".

好期待Jacob仔一岁的來臨......

 

20081016_就來Halloween啦,俾Jacob試下南瓜衫,唔帶帽還可以,帶帽就唔Like!

 

Jacob就來一歲啦,所以近排Search緊一些適合的playgroup, Blanche就介紹咗Kindermusix playgroup俾我,佢囡囡以前都讀過,幾好wor,所以就Book咗昨日十二點去試堂. 一路都好擔心Jacob好似上次咁唔適應太曹的地方和一堆陌生人,一去到Class,我地的擔憂就一掃而空,Jacob不但唔怕,仲好enjoy跟着老師一齊玩逰戲,真令到我地好開心,猛讚佢goodboy! 因為下午約咗布叔&Fanny去大角咀"學之遠幼儿園"參觀校舍,就即刻趕去Meet 佢地,校舍環境唔錯,又幹淨,我地兩家都拿咗報名表,Jacob&Canaan玩到不亦樂也,好多玩具,地方又大,仲好玩過playgroup...

20081011_Kindermusix playgroup

20081011_下午參觀"學之遠幼儿園"校舍.